Les mots surlignés font l'objet d'une note
1Monseigneur ne pouvant aller baisser voz mains et
2recepvoir voz comandementz, comme jey desiré dès
3long temps, à loccasion des frequentes malladies
4desquelles et moy et ma famille avons esté et
5sommes visités, je vous ay bien voullu faire
6entendre quil a esté satisfaict au comandement
7et ordonnance votre, tant pour la garde des ville
8et Chasteau de Quirieu que aussi avittuaillement
9dicelluy. Il reste que votre bon plaisir soit
10ordonner suz les reparations très necessaires
11pour la retraicte et demeure des soldatz dudit
12lieu et suivant votre comandement, mon lieutenant
13en a faict faire visitation et estimation laquelle
14par ce pourteur, je vous envoye à ce quil vous
15plaise commander en estre faict ce quavés dit.
16A quoy il ni aura faulte que fidellement
17serés obey comme en toutes autres choses ; ie
18ne defaillierey de toz comandementz desquelz
19il vous plaira mhonorer. Et par mesme
20moyen vos randrey très humbles remerciemantz
21de la bonne souvenance et recomandation quavez
22pour le payement des cappitaines et mortes payes
23des Chasteaux de ce pays, auquel jespère participer
24par ce pourteur. Monsieur le commis mayant
25asseuré quil ne feroit difficulté me faire toucher
26quelque quartier de la presente année par le comandement
27quil voz pleut luy faire dernierement. En cest
28endroict, je presanteray mes très humbles
29recomandations à voz bonnes graces, suppliant le
30Createur voz donner
31Monseigneur avecque parfaicte santé très longue et
32heureuse vie. Cest de La Biesse votre mayson ce
335e octobre
34Votre très humble et très obeissant serviteur
35Chabons
36